Standhardinger babag sa dalan ni Fajardo

CEBU, Philippines – Ang Fil-German ug sinaligang player sa NorthPort Batang Pier nga si Christian Standhardinger maoy nakita nga numero unong babag sa dalan ni San Miguel Beer star Junemar Fajardo alang sa laing MVP trophy.

Ang 6-foot-8 nga si Standhardinger, kinsa kanhi teammate ni Fajardo sa SMB, nahimong lig-on nga kailog ni Fajardo sa MVP title human usab siya midaog sa Best Player of the Conference sa miaging Governors Cup. Si Fajardo adunay 33.47 statistical points, samtang si Standhardinger adunay 33.46 SPs. Hinuon gawas sa statistical points, basehan usab sa paghatag sa MVP mao ang botasyon gikan sa mga PBA coaches ug sakop sa media.

Ang Cebuano center may kahigayunan nga mukulit og kasaysayan nga lisud tupngan kung masakmit niya ang ikaunom niyang sunod-sunod nga PBA MVP award.