Sports world ginunita ang husay ni Kobe

LOS ANGELES – Inalala kahapon ang kahusayan at kabaitan ni Kobe Bryant ng kanyang mga NBA colleagues at mga fans at iba pang atleta na ginawa siyang inspirasyon.

Pumanaw sa edad na 41-anyos si Bryant, ang five-time NBA champion ng Los Angeles Lakers at two-time Olympic gold medallist, sa isang helicopter crash kasama ang kanyang 13-anyos na anak na si Gianna at pitong iba pa.

“We laughed and joked about the Mamba mentality. We’re all going to need it right now,” sabi ng emos­yunal na si Los Angeles Clippers coach Doc Ri­vers bago nila labanan ang Magic sa Orlando, Florida.

Kuminang naman ang Lakers color na purple at gold sa Madison Square Garden, ang tahanan ng New York Knicks at maging sa entrance sa Los Angeles International Airport.

Sa San Antonio, nagdaos ang Spurs at Toronto Raptors ng 24-second shot-clock violations sa kanilang mga opening possessions bilang paggunita kay Bryant -- nagsuot ng No. 24 jersey sa dulo ng kanyang career.

“The NBA family is de­vastated,” wika ni NBA Commissioner Adam Silver. “For 20 seasons, Kobe showed us what is possible when remarkable talent blends with an absolute devotion to winning.”

“He was one of the most extraordinary players in the history of our game,” dagdag pa nito.

Inalala naman ni six-time NBA champion Michael Jordan si Bryant bilang isa sa pinakamahusay na naglaro ng basketball.

“Words can’t describe the pain I’m feeling,” ani Jordan. “I loved Kobe – he was like a little brother to me.”

Ito rin ang sinabi ni Shaquille O’Neal -- nanalo ng tatlong NBA titles at nakaaway ni Bryant habang naglalaro sa Lakers.

Hindi lamang ang mga NBA players at perso­nalities ang nagluluksa sa pagkamatay ni Bryant.

Inialay ni Brazilian footballer Neymar ang kanyang ikalawang goal para kay Bryant sa 2-0 panalo ng kanyang Paris Saint-German.

 Inalala naman ni golf superstar Tiger Woods, nagsimula ang professional career kasabay ni Bryant, ang competitive qualities ni Bryant.

“The fire,” sabi ni Woods sa naaalala niya kay Bryant. “He burned so competitively hot. He had such a desire to win. He brought it every night.”