Ancajas mibakwit
CEBU, Philippines — Napugos si IBF super flyweight champion Jerwin Ancajas pagbakwit gikan sa Cavite ngadto sa Dipolog City aron didto ipadayon iyang training camp pangandam sa sunod niyang sangka.
Si Ancajas uban ang iyang pamilya ug training team mibiya una sa Cavite nga naapektohan sa padayong pagbugwak og aso ug abog sa bulkang Taal nga anaa sa silingang dapit sa Batangas.
Si Ancajas todo-ensayo alang sa umaabot niyang title defense sa Marso didto sa Estados Unidos batok sa wala pa hinganling world rated contender.
"We decided na ilipat na lang muna dahil hindi na maganda 'yung lugar para sa training. Mahirap na rin na baka maabutan kami roon sakaling mas maging grabe pa ang sitwasyon," matud ni Ancajas sa The Philippine Star, ang igsuong pamantalaan sa Banat News.
Si Ancajas katapusang misaka sa ring niadtong Disyembre 7 nga niadtong higayona iyang gipaundang sa sixth round ang Chilean nga si Miguel Gonzales didto sa Mexico City.
Sama sa iyang gibuhat niadtong miaging tuig, ang 28-anyos nga si Ancajas miingon nga gusto siya nga moaway og katulo karong tuiga.
- Latest
