SEA Games nakataba'g dako sa Ginebra
CEBU, Philippines — Giangkon ni Ginebra coach Tim Cone nga dako og natabang kaniya ug sa pipila niya ka mga players ang ilang pagduwa sa 30th Southeast Asian Games isip kabahin sa Gilas Pilipinas nga misakmit sa gold medal.
Si Cone miingon nga human sa ilang kampanya sa SEA Games, mas milapad pa ang kompiyansa sa iyang mga key players nga silang LA Tenorio, Japeth Aguilar, Stanley Pringle ug Greg Slaughter nga pulos miduwa sa national team.
"I think just the idea and honor of playing in the SEA Games kind of lifted our spirits and the fact that we did well there kind of carried over the momentum to the series," matud ni Cone sa PBA.com.
Sa ilang duwa sa PBA Governors' Cup finals batok sa Meralco Bolts, nakita ang kadako sa kalamboan sa abilidad sa nahisgutang mga magduduwa ilabi na ni Aguilar nga maoy gibayaw nga Finals MVP.
- Latest
