Duha Ka Cebuano PBA players gipang-trade
CEBU, Philippines — Duha ka Cebuano PBA players ug pulos kanhi alumni sa CESAFI ang nalambigit sa usa ka trade kagahapon.
Kini human ang veteran point guard nga si Brian Heruela gi-trade sa Blackwater Elite ngadto sa Phoenix Fuel Masters bugti sa sophomore nga si Ron Dennison.
Si Heruela nga niduwa kaniadto sa UC Webmasters, wala magdugay sa Blackwater kay gi-trade dayon siya ngadto sa TNT KaTropa human sa All-Filipino Cup.
Gihangop sa Phoenix ang pag-abot ni Heruela tungod kay makahatag kini og dugang kasinatian kanila.
Ang 6-footer Fil-Am nga si Heruela usa sa mga lig-ong defenders sa liga tungod sa iyang abilidad sa pag-ilog sa bola. Aduna siya'y duha ka kampiyonato dihang miduwa pa siya sa San Miguel Beermen.
Sa laing bahin, ang kanhi UV Baby Green Lancers nga si Dennison makahigayon na pagpakita sa iyang abilidad kay seguradong mahatagan siya og taas nga playing time sa Blackwater. Ikauban usab niya pagbalik iyang coach sa kolehiyo sa Far Eastern University Nash Racela nga mao na'y coach sa Elite karon.
- Latest