Jazz misutoy sa ika-10 sagunson nga daog

CEBU, Philippines – Mihimo og career-high 27 puntos si Joe Englis atol sa kadaogan sa Utah Jazz batok sa Brooklyn Nets, 118-107 sa NBA kagahapon didto sa Barclays Arena sa Brooklyn, New York.

Si Rudy Gobert miamot og 22 puntos, 18 ka rebounds sa  Jazz nga miposte sa ika-10 nilang sagunson nga daog.

Ang Jazz mipahimus sa nagbaga nilang 29-19 rally sa ikaduhang kuwarter aron pagkadlit sa ika-15 nilang daog sa miagi nilang 16 ka duwa ug inaton ang ilang record ngadto sa 28-12.

Miamot si Donovan Mitchell og 25 puntos, samtang sila si Bojan Bogdanovic ug Fil-Am Jordan Clarkson nagkumbinar og 31 puntos alang sa Jazz nga midaog sa ika-10 nga higayon sa miagi nilang 12 ka engkuwentro sa Nets.

Ang Jazz nga mi-abante og 20 puntos sa usa ka higayon, wala na molingi pa sukad miposte og 88-74 nga labaw sa nahibilin nga 10 minutos sa aksiyon.

Si Kyrie Irving mipabuhagay og 32 puntos ug 11 ka assists alang sa Nets, kansang duha ka sunod-sunod nga daog naputol.

Midugang si Spencer Dinwiddie og 17 puntos, si Joe Harris miiskor og 13 puntos, samtang si DeAndre Jordan milangkat og 14 ka rebounds sa pilderong kawsa.