Pacquiao patan-awon away ni Garcia
CEBU, Philippines – Gihangyo ni kanhi four-division world champion Mikey Garcia si Manny Pacquiao nga motan-aw sa iyang sangka aron makita niini ang iyang kalidad.
Si Garcia, usa sa mga pangan sa sunod sangkaon ni Pacquiao karong tuiga, gusto nga magpasikat atubangan ni Pinoy champion dihang iyang sangkaon si Jessie Vargas sa Pebrero 29 didto sa Texas.
Interesante ang sangka tungod kay si Vargas usa sa gipilde ni Pacquiao niadtong tuig 2016.
Si Garcia katapusang miaway sa world title sa miaging tuig diin gisuwayan niya paglabni ang IBF welterweight title ni Errol Spence, apan napilde siya pinaagi sa unanimous decision.
Kon ugaling siya ang mapilian ni Pacquiao, si Garcia misaad nga mopakita sa tinuoray niya nga kusog aron mailog ang WBA title sa eight-division world champion nga si Pacquiao.
Gawas ni Mikey, laing duha nga posibleng sangkaon ni Pacquiao mao sila si Danny Garcia ug Shawn Porter.
- Latest
