Tulo ka 7-footer posibleng moduwa sa Gilas Pilipinas sa 2023 FIBA World Cup
CEBU, Philippines — Adunay posibilidad nga tulo ka 7-footer ang moduwa sa Gilas sa 2023 FIBA World Cup diin usa ang Pilipinas usa sa mga host.
Gitug-an sa Samahang Basketbol ng Pilipinas (SBP) nga nakakaplag sila og laing Fil-American teen cager nga Sage Tolentino nga adunay gitas-on nga 7-foot-1.
Si Tolentino hilom nga misugod sa iyang basketball career didto sa MaryKnoll High sa Hawaii diin nakita dayon ang dako niyang potensiyal.
Kon makuha kini sa SBP alang sa Gilas cadet pool, mouban si Tolentino ni 7-foot-2 Kai Sotto ug laing 7-footer Fil-Nigerian nga si AJ Edu.
Gikalipay kini og dako ni SBP president Al Panlilio tungod kay hayag ang kaugmaon sa Gilas.
Ang SBP gustong sugdan og sayo ang preparasyon sa Gilas Pilipinas alang sa sunod World Cup aron segurong makabawi sa ngil-ad nga performance sa miaging tuig didto sa China nga miuli nga walay dala bisan usa lang ka daog.
- Latest
