Laing kasaysayan alang ni Pacquiao
CEBU, Philippines — Laing kasaysayan nga lisud tupngan ang nabuhat ni eight-division world champion Manny Pacquiao human siya nahimong bugtong world champion sud sa upat ka managlahing dekada.
Ang 41-anyos nga si Pacquiao misud sa tuig 2020 isip WBA welterweight champion. Una siyang nahimong kampiyon sa dekada 90 human niya gipilde si Chatchai Sasakul alang sa WBC flyweight title niadtong Abril 1998.
Si Pacquiao misidlak sa 2000 human niya gisakmit ang upat ka world title sa upat ka managlahing dibisyon -- super featherweight, lightweight, light welterweight ug welterweight.
Tungod niini, si Pacquiao gibayaw siya isip "Fighter of the Decade".
Napulo ka tuig ang milabay, si Pacquiao nahimong eight-division champion dihang gikulata niya si Antonio Margarito alang sa WBO junior middleweight belt.
Miagi og lisud ang boxing career ni Pacquiao human nakatagamtam og upat ka pilde gikan sa 2012 ngadto sa 2017. Ang katapusan mao iyang unanimous decision nga kapildihan batok ni Floyd Mayweather Jr.
Hinuon, ang Pinoy ring legend nakabawi sa tuig 2018 ug 2019 human niya nakuha ang WBA belt ug nadepensaan kini kaduha ka higayon. Ang labing uwahi ang dominanteng split decision nga kadaogan batok ni Keith Thurman.
Sa pagsud sa 2020, si Pacquiao laraw nga mopadayon sa iyang pagdominar sa boksing bisan pa sa iyang pangedaron.
Ang 'Fighting Senator' mangandam na alang sa pagbalik niya og saka sa ring sa sayong bahin ning tuiga ug posible niyang sangkaon mao ang kanhi Mexican-American champion nga si Danny Garcia.
Gawas ni Garcia, malaumon sab si Pacquiao nga makuha niya ang gihandum nga rematch batok ni Mayweather.
- Latest