Brownlee determinado mokampiyon pag-usab
CEBU, Philippines — Way sama ka seryoso karon ni super import Justin Brownlee nga gustong motilaw pag-usab og kampiyonato sa PBA Governors Cup uban sa Barangay Ginebra Kings.
Ang 31-anyos nga si Brownlee gusto nga dili na sayangan ang tsansa nga makaangkon og laing Govs Cup title ilabi na nga lab-as pa sa iyang panumduman ang ilang kaparotan sa miaging tuig diin gitagak sila sa semis sa Magnolia Hotshots.
“Super motivated,”matud ni Brownlee sa PBA.com “Wish we had that three-peat last year but unfortunately we came up short.”
Ang 6-foot-5 nga si Brownlee katapusang miagak sa Ginebra sa Govs Cup championship niadtong tuig 2017 diin gipilde nila ang Meralco Bolts.
Ning higayuna, si Brownlee makig-atbang pag-usab sa Bolts ug sa import nga si Allen Durham, apan nasayud siya nga mas lisud ilang agian karon.
- Latest