Clarkson dinala ng Cavs sa Jazz

CLEVELAND -- Mula sa pagsusuot ng uniporme ng Cavaliers ay maglalaro si Fil-American guard Jordan Clarkson para sa Utah Jazz.

Ito ay matapos ibigay ng Jazz si guard Dante Exum kasama ang 2022 at 2023 second-round draft picks sa Cavaliers para makuha si Clarkson.

Gagawin pa ng dalawang koponan ang conference call sa NBA para maaprubahan ang nasabing trade.

Si Clarkson, kumampanya para sa Gilas Pilipinas, ay naglalaro sa kanyang ikatlong season para sa Cavaliers.

Nagtala si Clarkson ng mga averages na 14.6 points, 2.4 rebounds at 2.4 assists sa 29 games para sa Cavaliers ngayong season.

Si Exum ay ang No. 5 overall pick ng Jazz noong 2014 draft at mayroon lamang mga averages na 2.2 points at 7.5 minutes sa season.