Amit, kaubanan hurot katagak sa Women's World 9-Ball Championship

CEBU, Philippines — Nahurot na katagak ang mga pambato sa Pilipinas sa Women's World 9-Ball Championship human mapilde sila si Rubilen Amit ug Chezka Centeno. Napapas ang damgo sa Sugboanang si Amit nga makatilaw sa labing una niyang 9-ball world title human miyukbo ngadto ni Jasmine Ouschan sa Australia, 2-9 ug Zhou Doudou sa China, 9-5 sa semifinals didto sa Sanya, China.

Si Amit usa ka two-time world 10-ball champion, apan pabiling iglas kaniya ang korona sa 9-ball.

Una nga natagak sa quarterfinals ang susama niyang SEA Games gold medalist nga si Centeno, wala usab kaabante og layo sila si Iris Ranola ug Floriza Andal nga pulos sayong nangatagak sa preliminaries pa lang.