Heat pinigil ang 76ers

PHILADELPHIA -- Humataw si Kendrick Nunn ng 26 points para pangunahan ang Miami Heat sa 108-104 paggiba sa 76ers.

Ipinalasap ng Miami ang unang home loss ng Philadelphia ngayong season matapos iposte ang 14-0 record.

Nagdagdag si Bam Adebayo ng 23 points kasunod ang 15 markers ni Duncan Robinson para sa Heat.

Kumonekta si Tobias Harris ng 3-pointer para idikit ang Sixers sa 104-106 sa huling 25.5 segundo  habang naimintis ni Al Horford ang kanyang 3-point attempt.

Sa Detroit, kumolekta si Kyle Lowry na may triple-double at gumamit ang Toronto Raptors ng 11-0 atake sa third quarter patungo sa 112-99  panalo laban sa Pistons.

Tumapos si Lowry na may 20 points, 10 rebounds at 10 assists para sa Raptors na naglaro na wala si guard Fred VanVleet dahil sa kanyang right knee injury.

Hindi naman natapos ni center Marc Gasol ang laro nang magkaroon ng  left hamstring strain sa first quarter.

Humakot si Andre Drummond ng 22 points at 18 rebounds para pangunahan ang Pistons.

Sa Cleveland, tumipa si Collin Sexton ng 23 points at may 18 markers si Cedi Osman para sa 100-98 paglusot ng Cavaliers kontra sa Charlotte Hornets.

Limang triples ang isinalpak ni Terry Rozier, tumapos na may career-high 35 points sa panig ng Charlotte, sa fourth quarter na ang huli ay sa natitirang 21 segundo na naglapit sa kanila sa 98-100.