Garcia salig siya pilion ni Pacquiao
CEBU, Philippines — Dako ang pagtuo ni Mexican-American boxer Mikey Garcia nga siya ang pilion ni Pinoy ring legend Manny Pacquiao isip sunod challenger sa sunod tuig.
Si Garcia nangangkon nga hapit na sugdi ang negosasyon diin mahimo siyang challenger alang sa WBA welterweight title ni Pacquiao.
Si Garcia nagkanayon nga mas daghan fans ang gusto nga makita siya batok Pacquiao tungod usab sa iyang kalidad isip kanhi four-division world champion. “We’ve been discussing a fight against Manny Pacquiao for a long time now, and it seems like it’s very close and it can actually happen,” matud ni Garcia Fighthype.“Nothing is secure. He has some obligations right now. He’s still busy with that, but the last thing I heard, he’s interested in fighting in the early part of the summer.”
Si Pacquiao una na nga miingon nga gusto siya moaway sa Middle East sunod tuig, apan si Garcia mas mupalabi nga sa Las Vegas sila magsangka kun ugaling mahitabo ilang lahugay.
Si Garcia katapusang miaway niadtong Marso diin napilde siya ni IBF welterweight champion Errol Spence pinaagi sa decision. (BANATNEWS)
- Latest