Love i-trade sa Cavs

CEBU, Philippines — Andam ang Cleveland Cavaliers nga buhian ang nahibilin nilang All-Star nga si Kevin Love pinaagi sa usa ka trade.

Ang Cavaliers nga naglisud karon sa rekord nga 5-17, andam nga mudawat og tanyag alang ni Love kinsa aduna pay nahibiling tulo ka tuig nga kontrata uban sa ilang koponan.

Gawas nga gusto sila og mga batang nga mga players, si Love wala usab kaayo makaduwa og tarung karon nga season tungod sa mga injuries.

Si Love katapusang miduwa niadtong Miyerkules diin mihimo siya og otso puntos batok sa Dtroit Pistons, apan dili na usab siya kaduwa og usa ka semana tungod sa nagsakit niya nga buko-buko.

Bisan pa sa limitadong duwa sa season, si Love mi-average gihapon og 16.7 points ug 10.7 rebounds.

Ang 6-foot-8 forward maoy orihinal nga sakop sa Cavaliers nga miangkon sa NBA championship niadtong 2016 diin anaa pa nila ang superstar nga si LeBron James.