Suns ‘di umubra sa Rockets

HOUSTON -- Bagama’t naging masama ang kanyang shooting ay si James Harden pa rin ang nag-akay sa Rockets sa panalo.

Humugot si Harden ng 18 sa kanyang 34 points sa fourth period para pamunuan ang Houston sa 115-109 panalo kontra sa bisitang Phoenix Suns.

Umiskor si Ben McLemore ng 27 markers para sa Rockets.

Itinala naman ni Russell Westbrook ang 24 points, 14 rebounds at 11 assists para sa kanyang ikatlong dikit na triple-double at ikaanim ngayong season.

Pinangunahan ni Devin Booker ang Phoenix mula sa kanyang 35 points matapos humataw ng season-high 44 markers sa kanilang overtime victory laban

sa New Orleans Pelicans noong Huwebes.

Sa Dallas, umiskor si Luca Doncic ng 28 points sa loob ng 26 minuto at naglista si Kristaps Porzi­ngis ng 13 points at ang ika-1,500 rebound ng kanyang

career sa 130-184 paggiba ng Ma­vericks laban sa Pelicans.

Kumolekta si Boban Marjanovic ng mga season highs na 15 points at 16 rebounds para sa pang-limang sunod na pana­nalasa ng Dallas.

Sa Philadelphia, ipinasok ni Ben Simmons ang kanyang ikalawang career three-pointer para sa kanyang career-high 34 points sa 141-94 pagdurog ng

76ers laban sa Cleveland Cavaliers.