Gilas papasukin ang Finals

MANILA, Philippines — Pakay ng reigning champion Gilas Pilipinas na masikwat ang tiket sa finals sa pagharap nito sa Indonesia ngayong gabi sa 2019

Southeast Asian Games men’s basketball tournament sa Mall of Asia Arena sa Pasay City.

Magtutuos ang Gilas Pilipinas at Indonesia sa alas-8 ng gabi.

Maghaharap sa hiwalay na semis ang Thailand at Vietnam sa alas-3:45 ng hapon.

Dobleng ingat ang gagawin ng Pinoy squad dahil malaki ang itinaas ng lebel ng laro ng Indonesia na kasalukuyang hinahawakan ni Serbian coach Rajko Toroman.

Kaya naman aariba ng husto ang Gilas Pilipinas sa pangunguna ni June Mar Fajardo para masundan ang kanilang dominasyon sa eliminasyon kabilang ang 136-67 pagwasak sa Myanmar noong Sabado.

“We all know him, how great he has been with the original Gilas team with Mark Barroca, Marcio Lassiter. So he was the founder of the Gilas program,”

ani Gilas Pilipinas head coach Tim Cone.

Kabisado ni Toroman ang laro sa Pilipinas. Hinawakan nito ang Gilas noong 2009 hanggang 2011.

“He (Toroman) coached in the PBA. We know how good he is, and we know how disciplined his teams are, usually very great shooting teams. But we have

our own job to finish,” ani Cone.