Ancajas, Tapales moaway karon

CEBU, Philippines — Ang Pinoy'ng mga boksidor nga sila si Jerwin Ancajas ug Marlon Tapales magsagubang og managlahing misyon sa ilang pakigsangka batok sa tagsa-tagsa nila ka mga kontra sa managlahing dapit karong buntag.

Didto sa Auditorio GNP Seguros sa Puebla, Mexico, si Ancajas manalipod sa iyang International Boxing Federation 

super flyweight title batok ni Miguel Gonzalez  sa Chile.

Si Ancajas modepensa  sa ikawalong higayon sa IBF belt nga iyang nasakmit human gipilde si McJoe Arroyo sa Puerto Rico niadtong Septiyembre 3, 2016 didto  sa Taguig City.

Sa laing bahin, si Tapales makigharong ni Ryosuke Iwasa sa Japan alang sa interim IBF super bantamweight crown didto sa Barclays Center sa New York.