Gilas cagebelles iiwas matalo sa Malaysia

MANILA, Philippines — Palalakasin ng Gilas Pilipinas women’s team ang kanilang pag-asa sa gold medal sa pagsagupa sa nagdedepensang Malaysia ngayon sa women’s basketball ng 30th Southeast Asian Games sa Mall of Asia Arena.

Nakatakda ang bakbakan sa ganap na alas-6 ng gabi.

Nagmula ang mga Pinay cagers sa 63-56 paggupo sa Indonesia noong Huwebes.

“We have to be perfectly prepared,” sabi ni coach Pat Aquino sa kanyang tropa.

Nakalasap naman ang mga Malaysians ng 47-70 pagkatalo sa Thailand.

 Hangad ng Gilas wo­men’s squad ang kauna-unahang gold medal sa SEA Games sapul nang lumahok ang bansa sa nasabing regional competition noong 1977.

Nasungkit ng mga Pinay ang silver medals noong 2011 at 2013 editions.