San Pedro mipakita dayon og milagro sa 8TH Paknaan Barangay Council Cup
CEBU, Philippines — Mipakita dayon og milagro ang duha ka teams sa San Pedro dihang ilang gipaluhod ang tagsa-tagsa nilang mga kaatbang sa una nilang duwa sa 8th Paknaan Barangay Council Cup sa miaging gabii sa Paknaan gym, Dakbayan sa Mandaue.
Ang San Pedro walay puangod nga milubong sa Zone Pechay, 76-44 ubos sa Senior B division, samtang ang igsuong nilang koponan mipukan sa Pedoys, 67-58 sa Senior A.
Si Junjun Calderon mikadlit og 12 puntos aron mangu sa scoring sa San Pedro B, samtang sila si Joshua Tenefrancia, Loreto Orit ug Moman Dionson nagtampohay og 10 puntos sa maong daog.
Sa laing bahin, ang San Pedro A gipangulohan sab ni Kevin Genobia nga mibagnos og 15 puntos, gisundan ni Kenny Genobia sa iyang 12 puntos ug Carlos Bacalso nga adunay 10 puntos.
- Latest
