Alin Team-A, Quickserver magtigi alang sa titulo
CEBU, Philippines — Mag-abot sa ikaduhang higayon ang Alin Team-A (Alin Customs Brokerage) ug ang Quickserver, ning higayona sa kampiyonato na sa Aduana Basketball Club Cebu (ABCC) Season 2 Inter-Brokerage Cup 2019 karong adlawa diha sa Cebu Port Authority gym sa north reclamation area.
Sa dili pa magpinaksitay ang duha, magtigi una ang Hov/Martinez Customs Brokerage ug Rollway/Abay-Abay Customs Brokerage alang sa ikatulong puwesto sa alas-6 sa gabii.
Ang Alin ug Quickserver nakasud sa finals human midaog batok sa ilang tagsa-tagsa ka mga kaatbang sa semis niadtong Huwebes.
Ang Alin milubong sa Rollway/Abay-Abay, 70-47, samtang ang Quickserver mipilde sa Hov/Martinez, 67-63.
Nilang duha, mas nakabentaha ang Alin batok sa Quickserver kay midaog kini atol sa eliminasyon, 84-76.
- Latest