Dyip mopili sa no. 1 rookie

CEBU, Philippines — Sa ikatulong sunod-sunod nga higayon, ang Columbian Dyip mao ang koponan nga nakakuha og katungod nga mokuha sa No. 1 rookie sa 2019 PBA Rookie Draft nga gikatakda sa sunod bulan.

Ang Dyip mao usab ang gitugpahan sa No. 1 pick sa miaging tuig kanus-a nakuha nila si CJ Perez.

Ang Dyip maoy midaog sa PBA lottery diin gikailog nila ang Blackwater Elite nga sama nila naglisud sab karon nga season.

Ang Elite maoy mokuha sa No. 2 pick, samtang ang NLEX Road Warriors maoy mopili sa No. 3. Ang ikaupat ug ikalimang rookie pick mapunta sa Alaska Aces ug sa Rain or Shine Elasto Painters.

Sa pagsira sa aplikasyon sa mga aspiring rookies, miabot sa 71 ka mga amateur standout ang segurado na nga magpapili, apan dakong surprisa ang wala pag-apil sa UAAP MVP ug bag-o lang mikampiyon uban sa Ateneo Blue Eagles nga si Thirdy Ravena.

Si Thirdy, manghud ni NLEX star Kiefer Ravena dili  motikang sa PBA ug manimpalad sa iyang kapalaran didto sa Estados Unidos.