Lebron ikaupat mikadlit 33,000 puntos
CEBU, Philippines — Ang bitoon sa Los Angeles Lakers nga si LeBron James mipasidlak og samot sa iyang legasiya sa mabulukon nang daan niyang karera.
Kini human si James nahimong ikaupat nga player sa kasaysayan sa NBA nga nakalapas og 33,000 puntos.
Nakab-ot sa four-time MVP ang maong dungog human siya milansang og 3-pointer atol sa ilang duwa batok sa New Orleans Pelicans niadtong Huwebes.
Human nalabwan si Michael Jordan (32,392) sa miaging season, si James kulang na lang og 600 puntos aron malabwan sab ang rekord ni Kobe Byrant nga mitali og 33,643 puntos sa 19 ka tuig niyang karera uban sa Lakers.
Nag-una sa listahan sa all-time NBA leading scorers mao si Kareem Abdul-Jabbar nga dunay 38,387 puntos ug gisundan kini ni Karl Malone nga dunay 36,928 puntos.
- Latest