Harold's Hotel mikatkat sa ikatulong dapit sa FYA-Soontit Construction Cup 2019

CEBU, Philippines — Mihimo'g double-double performance si Bryan Dacayana aron pangulohan ang Harold's Hotel pagdemolis sa Pub Gee Resto Bar, 85-67 sa FYA Basketball League (Season 24) Soontit Construction Cup 2019-2020 niadtong Martes diha sa Atillo gym sa Punta Princesa, Dakbayan sa Sugbo.

Ang best player nga si Dacayana miugkat og 18 puntos, milangkat og 15 ka rebounds, pito ka assists ug lima ka block shots alang sa Harold's Hotel ni Arnel Trinidad nga mikatkat sa ikatulong dapit sa standing bitbit ang 3-2 nga baraha.

Grabe sab kaayong nakaduwa si Ava Flores diin mikabya kini og 15 puntos aron tabangan ang Harold's Hotel nga makagukod human mabiyai gikan sa pagsugod hangtod sa sayong bahin sa fourth quarter. Sila si Nene Billones, Carlos Arnado ug Niko Laborte nakatampo sab og dako sa kadaogan.

Ang nga Pub Gee Resto Bar, gipangulohan ni Jayvee Silvano pinaagi sa iyang 14 puntos, gisundan ni Jake Ursal nga adunay 13 puntos. Sila si Jessie Boy Condrillon ug Juvinelle Enriquez mitampo'g 10 puntos matag usa sa Pub Gee Resto Bar nga ngitngit na kaayong makaabante sa sunod round kay padayong nagbitay sa standing sa ilang 0-5 win-loss record.

Sa laing bahin, ang Yoyi's Pastries & Desserts pabiling nagsolo sa ikaduhang dapit dihang nakalahutay kini sa kulbahinam nga duwa batok Bro J Bakery, 78-75.    

Kuyaw kaayong nakaduwa si Jao Rabadon diin milansang kini og game-high 33 puntos, uban ang lima ka rebounds ug lima sab ka assists aron pangulohan ang Yoyi's Pastries & Desserts ug ingon man tahuron isip best player of the game.

Laing miiskor og double figures sa Yoyi's Pastries & Desserts ni Ahlmark Albarracin nga nagtangag og 4-1 nga baraha mao si Reyboy Caballes sa iyang 10 puntos.

Gipangulohan sab ni Rio Dela Peña ang Bro J Bakery nga mikamada og 18 puntos, gisundan ni Ranel Patalita nga mikulit og 17 puntos. Sila si Justine Urot ug Christian Laud nagkumbinar og 24 puntos sa Bro J Bakery ni Jun Arreglo nga nalabay sa ikaunom nga dapit uban ang 2-3 nga baraha.

PUNTOS MATAG USA

Unang duwa: 

YOYI'S PASTRIES  (78) – J.Rabadon  33, Reyboy Caballes  10, V. Lastomen 6, J. Aglipa  6, C. Cababahay  5, W. Mata 4, W. Auditor 4, S. Enriquez 4, C. Limbaga 4,  J. Salvador 2.

BRO J BAKERY  (75) – R. Dela Peña  18, R.Patalita 17, J.  rot 14, C. Laud  10, E. Noquillo  7, EL Noquillo  6, J. Noquillo  2, N. Arias  1.

Ikaduhang duwa:

HAROLD'S HOTEL (85) – R. Dacayana 18, A. Flores 15, N. Billones 12, C. Arnado 11, N. Laborte 10, E. Jumantoc 9, R. Arias 6, J. Celestial  2, J. Regudo 2.

PUB GEE RESTO BAR  (67)  – J. Silvano  14, J. Ursal  13, JB Condrillon 10, J. Enriquez 10, D. Caballes  8, J. Bucayan   5, D. Regudo  5,  A. Regudo  2.