Pogoy wala sa SEAG
CEBU, Philippines — Dili makaduwa ang Sugboanong si Roger Pogoy sa Gilas Pilipinas tungod sa seryosong injury nga naangkon atol sa quarterfinals batok sa Magnolia Hotshots.
Ang point guard sa TNT KaTropa nga si Pogoy kinahanglan nga mopahuway kapin usa ka semana ilabi na nga mibati siya og grabeng sakit sa iyang buko-buko.
Atol sa ilang duwa batok sa Magnolia niadtong Domingo, si Pogoy nalamba dihang nakig-ilogay siya og bola uban ni Hotshots bigman Ian Sangalang. Wala siya makatiwas og duwa human mabantayi nga dili normal ang pagsakit sa iyang buko-buko.
Sa pagkawala ni Pogoy, adunay usa ka luna nga bakante ang Gilas og atangan kon kinsa ang ipuli nila.
Segurado nga maapektohan ang team chemistry sa Gilas sa pagkawala ni Pogoy.
Ang Gilas unang moduwa sa Disyembre 4 batok Singapore.
- Latest