Pelicans durog sa Clippers
LOS ANGELES – Tinumbasan ni Montrezl Harrell ang kanyang career-high na 34 points at kumalawit ng 12 rebounds habang tumipa si Kawhi Leonard ng 26 markers para pamunuan ang Clippers sa 134-109 paglampaso sa New Orleans Pelicans.
Ito ang pang-limang sunod na ratsada ng Los Angeles.
Nagdagdag si Lou Williams ng 19 points at may 18 markers si Paul George para sa Clippers na nagsalpak ng 16 three-pointers.
Binanderahan naman ni Brandon Ingram ang Pelicans mula sa kanyang 24 points kasunod ang 18 at 17 markers nina Jrue Holiday at E’Twaun Moore, ayon sa pagkakasunod.
Sa Denver, nagtala si Paul Millsap ng 23 points at may tig-22 markers sina Jamal Murray at Will Barton para sa 116-104 panalo ng Nuggets laban sa Phoenix Suns.
Nilimitahan ng Denver si Phoenix guard Devin Booker sa season-low 12 points.
Sa New York, humataw si Spencer Dinwiddie ng 30 points para pamunuan ang Brooklyn Nets sa 103-101 paglusot sa Knicks.
Naglista si Jarrett Allen ng 18 points at 10 rebounds para sa Nets habang kumolekta si Taurean Prince ng 14 points, 11 rebounds at 5 assists.
- Latest
