SMB coach kontento sa ilang naabtan
CEBU, Philippines — Kontento ra si San Miguel Beermen coach Leo Austria sa ilang kampanya karon nga season bisan pa gitaktak sila sa Barangay Ginebra Kings atol sa quarterfinals sa PBA Governors' Cup niadtong Domingo.
Damgo unta sa Beermen nga mosakmit og grandslam title karong nga season. Ang Beermen naghari sa All-Filipino Cup ug Commissioner's Cup, apan pakyas sila pag-abante sa finals sa Governors' Cup kay napiangan kini og maayo tungod sa pagkasuspenso sa ilang tulo ka players nga sila si Arwind Santos, Kelly Nabong ug Ronald Tubid.
Ang multi-titled coach mimaymay sa iyang mga mga magduduwa ug nga dili sila angay magguol kay sila gihapon ang maisip nga labing dominanteng koponan sa liga bisan pa sa ilang kaparotan batok sa Ginebra.
"We're the best team in the last five years because we won eight championships, and in this season we won two out of three. This is not the end of the world. We still have a lot of chances," matud ni Austria sa Spin.ph.
Atol sa ilang do-or-die game batok Ginebra, ang San Miguel napilde sa iskor nga 100-97.
Sa iyang bahin, ang Cebuano superstar nga si JuneMar Fajardo miingon nga mas molig-on pa sila sa sunod season ug pabilin iyang damgo nga makatilaw og grandslam title uban sa Beermen.
- Latest
