Nissan, Mitsubishi ilog sa korona karon

CEBU, Philippines — Hukman karon kon kinsa sa Mitsubishi Mandaue ug Nissan Gateway ang mosakmit sa kampiyonato sa 4th Cebu Car Dealer Basketball Tournament finals karon didto sa Capitol Parish Gym.

Ang duwa sugdan sa alas-9 sa gabii.

Human sa kulbahinam nga elimination round, ang Mitsubishi ug Nissan ang miangkon sa una ug ikaduhang  luna nga mihatag kanila og kahigayonan nga moduwa alang sa titulo.

Ang Mitsubishi pangulohan sa ilang coach nga si Steve Rock uban sa ilang manager nga si Jason Rosales, samtang andam na usab ang Nissan ni coach Paulo Eterbias.

Ang maong liga gisuportahan sa M-Tech Accessories ni Myles Siao.