Sotto misidlak sa U.S tournament

CEBU, Philippines — Gipamatud-an ni Pinoy teen basketball sensation Kai Sotto nga siya ang hayag nga kaugmaon sa nasud sa basketbol human siya mipasikat dayon sa una niyang duwa sa usa ka amateur basketball tournament didto sa Estados Unidos.

Ang 7-foot-2 nga si Sotto mirehistro og double-double nga 18 puntos ug 12 ka rebounds alang sa TSF National. Kini ang unang torneyo nga gisalmutan ni Sotto sukad siya mibalhin didto sa U.S aron ipadayon iyang damgo nga labing unang homegrown Pinoy nga makasud sa NBA.

Napilde ang koponan sa 17-anyos nga si Sotto, apan daghang mga basketball analyst ang mibilib sa potensiyal sa Batang Gilas cager.