Beermen mag-ilis og import
CEBU, Philippines — Anaa kanila ang usa sa mga highest scoring import sa Governors' Cup nga si Dez Wells, apan ang San Miguel Beermen napugos pag-ilis niini human maangkon og seryosong injury sa tiil.
Si coach Leo Austria nagkanayon nga anaa sa lisud nga sitwasyon ang Beermen ug lisud nga morisgo sila nga moduwa nga walay import.
Si Dez Wells nakahiagum og injury niadtong Domingo atol sa ilang kapildihan batok sa Meralco Bolts.
Gikuha sa San Miguel ang serbisyo ni veteran import John Holland ug masukod ang katakus batok sa Rain or Shine Elasto Painters sa out-of-town game karong Sabado diha sa Hoopsdome sa Lapu-Lapu City.
Ang San Miguel nga mangandoy ma-grandslam, gustong magpabilin sa top four sa standing aron makuha ang katapusang 'twice-to-beat' advantage slot sa playoffs.
- Latest
