Magnolia kinadaghanan og point guards
CEBU, Philippines – Ang defending champion Magnolia Hotshots maoy bugtong koponan nga nagbaton karon og lima ka point guards tungod sa pag-abot ni Fil-Italian Chris Banchero.
Ang Hotshots gibidahan nang daan sa mga veteran guards nga sila si Paul Lee, Mark Barroca, Jio Jalalon ug Justin Melton.
Wala hinuo'y nakita nga suliran niini si coach Chito Victolero tungod kay plano niya nga mopasud og tulo ka guwardiya sa korte.
Miangkon siya nga kulang sila sa bigmen, apan ila kining bawion sa ilang fastbreak plays ug outside shooting.
"Laging sinasabi nila, it's a problem kasi we have a lot of guards. But it's a good problem. I don't care kung meron kaming ganung line-up pero 'yung talent naman, sobrang ganda, sobrang maayos. We just try to maximize everything na meron kami," matud pa ni Victolero sa Spin.ph.
Tungod sa ilang gagmay nga line-up, si Victolero mopugos sa import niyang i Romeo Travis nga moduwa isip power-forward o sentro inay sa naandan niini nga small forward.
- Latest
