Curry dili kaduwa tulo ka buwan
CEBU, Philippines — Dili makapakita'g aksiyon sud sa tulo ka bulan ang superstar sa Golden State Warriors nga si Stephen Curry human maoperahi ang nabali niining tuong kamot kagahapon.
Ang management mismo sa nagkagidlay nga Warriors maoy mipahibalo niining dili maayong balita nga nagtiwas sa kalbaryo nga nadangatan karon sa kanhi gikaintapang kampiyon.
Matud pa sa Warriors, nga nagmalampuson ang operasyon ni Curry didto sa Cedars-Sinai Kerlan-Jobe Institute sa Los Angeles aron ayuhon ang na-injured nga kamot ni Curry nga iyang nahiaguman atol sa 121-110 nilang kaparotan batok sa Phoenix Suns niadtong Huwebes.
Tataw nga dakong hagit ang nagpaabot sa Warriors sa unahan gumikan kay ang six-time All Star ug two-time NBA MVP dili pa man makabalik og dula hangtod sa Pebrero sunod tuig.
- Latest