Warriors gipakauwawan sa ilang bag-ong korte

Cebu, Philippines — Gipakauwawan sa kaugalingon nilang balwarte ang Golden State Warriors  dihang gilubong sila sa Los Angeles Clippers, 141-122   sa NBA kagahapon didto  Chase Center.

Kini ang unang home game sa Warriors sa moderno nilang sports arena didto sa San Francisco, California, apan mas miarte si Kawhi Leonard nga mirehistro og 21 puntos sud lang sa tulo ka kuwarter. 

Si Patrick Patterson mitampo og 20 puntos sa Clippers,  samtang si Ivica Zubac mihimo'g double-double nga 16 puntos ug 10 ka rebounds.Nangulo sa Warriors si Stephen Curry sa iyang 23 puntos, samtang ang bag-ong All-Star nila nga si D'Angelo Russell miamot og 20 puntos.