E-Painters may pag-asa pa
MANILA,Philippines — Itinuring ni Rain or Shine coach Caloy Garcia ang kanilang laban sa Blackwater bilang isang ‘must win’.
Tumugon naman ang kanyang mga Elasto Painters at pinadapa ang Elite,
99-82 para buhayin ang tsansa sa quarterfinal round ng 2019 PBA Governor’s Cup kahapon sa Cuneta Astrodome sa Pasay City.
Tinapos ng Rain or Shine ang kanilang four-game losing slump para itaas ang baraha sa 2-5 kapantay ang Blackwater at Phoenix.
“Naging motivation is amin ‘yung struggling kami ngayon. Itong game na ito must win para sa amin eh,” sabi ni guard Rey Nambatac, nagtala ng 18 points, 7 rebounds at 7 assists. “Kaya hanggang dulo ibinigay talaga namin lahat.”
Ipinarada ng Elasto Painters si import Kwame Alexander, naglaro para sa NLEX Road Warriors noong 2015, na nagbaon sa Elite sa 92-81 sa natitirang 2:17 minuto ng fourth quarter.
Tumapos si Alexander na may 17 markers 16 boards, 3 assists at 3 steal habang may 17 at 13 markers sina Beau Belga at Ed Daquioag, ayon sa pagkakasunod.
Nauna nang kinuha ng Rain or Shine ang 11-point lead, 49-38 mula sa three-point shot ni Nambatac sa huling minuto ng second period.
- Latest
