Cebuano jiujitsu fighters misidlak
CEBU, Philippines —Ang jiujitsu fighters sa Sugbo mipakita sa ilang abilidad aron maka-gold sa gipahigayong 2019 ASJJF Philippine International Jiujitsu Open niadtong weekend diha sa Atrium sa Robinsons Galleria Cebu.
Mikabkab og bulawang medalya mao sila si Althea Mondigo, Princess Lourdes Bacatan, Hannah Gabiana, Dominic Miala ug Andrei Cuizon sa Overlimit, Josh Ybanez, Jeb Sleyther Secusana, Bianne Labra, Claire Canete, Jake Conado, Sandino Cinco ug Jamie Boy Fabula sa ATOS, Gabrielle Benavidez sa PATO ug Rhyle Lugo gikan sa Deftac.
Gipangulohan sa Japanese blackbelter nga si Edison Kagohara, ang Overlimit Jiujitsu misakmit sa overall team championship human maghari sa masters, adults ug kids division.
Ang ASJJF Philippine International Jiujitsu usa ka tinuig nga torneyo nga gisalmotan sa mga banggiitang grapplers sa Asya ug ubang dapit sa kalibotan sama sa US, New Zealand ug Russia.
- Latest