Fajardo nangandam sa ilang duwa batok ni Standhardinger
CEBU, Philippines — Gipangandaman ni JuneMar Fajardo ang panag-abot sa kanhi niya teammate nga si Christian Standhardinger.
Sila si Fajardo ug Standhardinger miporma og lig-on nga bigmen tandem sa San Miguel Beermen, apan magkontra na sila human gi-trade ang Fil-German cager ngadto sa NorthPort Batang Pier.
Ang 6-foot-11 nga si Fajardo miingon nga usa ka puwersa si Standhardinger uban sa Beermen, apan nakita niya nga makaayo sa karera sa nauwahi ang pagbalhin niini sa Batang Pier.
Nakita ni Fajardo nga mas mosidlak si Standhardinger tungod kay makakuha kini og taas nga playing time.
Mag-ampo si Fajardo nga makaduwa si Standhardinger ugma sa panagbangga sa Beermen ug Batang Pier didto sa Smart Araneta Coliseum.
Apan si Standhardinger wala pa'y klaro kon makaduwa ba tungod sa pagsakit sa iyang tuhod.
- Latest