Ancajas Milarga Na Sa U.S
Cebu,Philippines-Milarga na paingon sa Estados Unidos si IBF super flyweight champion Jerwin Ancajas sa miaging gabii diin adto siya motiwas og ensayo pangandam sa iyang title defense batok ni Jonathan Rodriguez sa Mexico karong Nobiyembre 3 didto sa California.
Si Ancajas uban ni trainer Joven Jimenez gipaabot nga motikang sa sikat nga Wild Card Gym ni Freddie Roach diin didto sukdon ang iyang kaandam batok sa delikadong Mehikano.
Si Jimenez miingon nga anaa na sa 95% ang kondisyon sa iyang batos, apan mas modako ang tsansa ni Ancajas sa laing knockout nga kadaogan pinaagi sa pag-train niini uban ni Roach.
"We're optimistic and we're right on track in terms of preparations. He’s already at 95 percent ready. We’re also checking his weight to ensure that he’ll get the weight limit," matud pa ni Jimenez sa The Philippine STAR, ang igsuong mantalaan sa Banat News.
Buot ni Ancajas nga masundan ang iyang knockout nga kadaogan batok ni Japanese Ryuichi Funai niadtong Mayo 4. Si Jimenez miisip ni Rodriguez nga usa ka agresibo nga boksidor.
- Latest