Blue Eagles swak sa Final Four

MANILA, Philippines — Pormal nang pumasok sa Final Four ang nagde­depensang Ateneo De Ma­nila University matapos patumbahin ang De La Salle University, 77-69, sa Season 82 UAAP men’s basketball tournament kahapon sa MOA Arena sa Pa­say City.

Tumipa si Adrian Wong ng 18 points kabilang ang apat na triples at nagtala ng 13 markers at 7 rebounds si Thirdy Ra­vena para masungkit ng Ate­neo ang ika-10 sunod na pa­nalo.

“That was a good game of basketball, but if Adrian (Wong) doesn’t come out hot, we would have been in trouble,” sabi ni head coach Tab Baldwin.

Ito na rin ang ika-20 su­nod na panalo ng Blue Eagles simula noong naka­raang taon.

Humakot si import Ange Kouame ng 10 points, 14 rebounds, 3 blocks at 2 assists para sa Ateneo.

Nalaglag ang La Salle sa 4-5 record.

Sinuwag naman ng Far Eastern University Ta­ma­raws ang University of Santo Tomas Growling Ti­gers, 72-58.