Boxing champ Fury mag-wrestling sab
CEBU, Philippines — Damgo nga natuman maoy paghulagway ni kanhi world heavyweight boxing champion Tyson Fury sa umaabot niyang debut sa pro wrestling batok ni Braun Strowman didto sa Saudi Arabia karong Oktubre 21.
Ang sangka tali sa duha ka mga higante ubos sa usa ka World Wrestling Entertainment Inc. (WWE) card.
"How honored I am to be here and be involved in such a massive event in Saudi Arabia. It’s a fantastic opportunity for me," matud pa ni Fury atol sa usa ka news conference didto sa Las Vegas, Nevada.
Si Fury nga nangandam sa ilang rematch ni World Boxing Council heavyweight champion Deontay Wilder sunod tuig, nagkanayon nga moaway siya sa WWE gumikan kay dugay na kaayo kini niyang gihandum.
"This is something I've always dreamed of. I am lifelong WWE fan and this is a fantastic opportunity for me," dugang pa ni Fury.
"When I go to Saudi, I am still going to be undefeated, I am going to knock Braun Strowman out. He's meeting a guy who has the best hands in boxing. He don't want none of these hands."
- Latest
