Luna sa playoffs giapas sa Katropa
CEBU, Philippines — Suwayan karon sa TNT KaTropa nga masakmit ang ikaunom nilang sunod-sunod nga daog ug luna sa quarterfinals sa ilang pakigsangka sa igsuon nilang koponan Meralco Bolts didto sa Smart Araneta Coliseum.
Mag-abot ang duha sa alas-6:45 sa gabii human sa duwa tali sa NorthPort Batang Pier ug Phoenix Fuel Masters nga sugdan sa alas-4:30 sa hapon.
Bisan og nag-una sila sa standing, si TNT coach Bong Ravena mipadayag sa iyang kabalaka tungod sa mga sikit nga daog sa iyang koponan.
Sa katapusan nilang duwa, ang KaTropa igo lang midaog og dos puntos batok NorthPort, 103-101.
Ning higayona, si Ravena nangandam sa laing lisud nga kumbati batok sa Meralco ni coach Norman Black.
Ang Bolts (3-1) lab-as pa sa ilang dominanteng kadaogan batok Phoenix Fuel Masters, 111-94.
Masentro sa duwa mao ang panag-abot sa duha ka high-scoring imports nga sila si ex-NBA standout KJ McDaniels ug kanhi best import Allen Durham.
- Latest