Spence na-ospital human ma-crash ang awto
CEBU, Philippines — Nalandig sa ospital ang wala pa'y pildeng welterweight boxing world champion nga si Errol Spence human nadisgrasya ang gimaneho niining sakyanan.
Dili hinuon seryoso ang kahimtang ni Spence gumikan kay nakahiagum lamang kini og mga gisi sa iyang nawong ug makarekober ra sa labing dali nga panahon.
"Errol Spence Jr., IBF/WBC unified welterweight world champion, was involved in a serious, single-car accident in Dallas early Thursday morning and is being treated at a Dallas-area hospital," segun pa sa opisyal nga pamahayag sa management team ni Spence. "Spence is awake and responding and his condition is listed as stable. He did not sustain any broken bones or fractures, but has some facial lacerations. He is expected to make a full recovery."
Si Spence giatiman sa ICU (intensive care unit) human ang puti niyang Ferrari miligid pipila ka higayon.
Matud pa sa kapolisan nga paspas kaayo ang dagan sa sakyanan hangtod nga misampak kini sa center median dayong balintong pipila ka higayon hinungdan nga nalabay ang drayber niining si Spence gawas sa iyang awto.
Sa kasamtangan, si Spence nagpahuway karon sa tambalanan uban ang iyang pamilya.
Ang 29-anyos nga si Spence nahimong unified WBC ug IBF welterweight champion duha pa ka semana ang milabay human gipilde ang kababayan niyang Amerikano nga si Shawn Porter pinaagi sa split desision.
Si Spence nga nagkupot na karon og 26-0 record uban ang 21KOs, usa sa mga gisaytan nga posibleng sunod makontra ni Pinoy ring star Manny Pacquiao, kinsa naghari karon isip WBA welterweight champion.
- Latest
