Ray Parks Jr. batok Perez
CEBU, Philippines – Andam ipakita ni Ray Parks Jr. sa Blackwater Elite nga siya ang numero unong rookie sa PBA sa iyang pakigharong sa laing star rookie nga si CJ Perez sa Columbian Dyip sa pagpadayon sa aksiyon sa Governors' Cup karong adlawa didto sa Mall of Asia Arena.
Ang duha ka rising PBA stars mag-abot sa alas-4:30 sa hapon.
Misulbong ang kasikat ni Perez tungod sa padayon sa nindot niyang mga duwa sa Columbian ug nahinumduman usab siya sa mga fans isip scorer sa Gilas Pilipinas sa miaging World Cup.
Gumikan niini, si Parks nahagit ug nanganti nga iyang hatagan og daog ang Blackwater karon.
Sa katapusan nilang panag-abot atol sa miaging conference, si Parks miiskor og 26, samtang si Perez mihimo lang og 17 puntos.
Hinuon, sa nagpadayong Governors' Cup, nakita nga mas taas ang scoring average ni Perez.
Sa main game sa alas-6:45 sa gabii, ang San Miguel Beermen makigsangka sa Magnolia Hotshots.
- Latest