Olympic gold damgo ni Diaz
CEBU, Philippines — Positibo si Pinay Olympian Hidilyn Diaz nga makahatag og bulawang medalya sa Philippine team sa Southeast Asian Games sunod Nobiyembre.
Apan ang unang gihuna-huna ni Diaz mao ang 2020 Tokyo Olympics. Si Diaz, ang silver medalist sa miaging Rio Olympics ug gold medalist sa Asian Games sa miaging tuig, nagkanayon nga ang Olympics ang seryoso niyang gipangandaman tungod kay gusto niya nga siya ang labing unang atletang Pinoy nga makahatag og gold medal sa nasud.
Si Diaz nga lab-as pa sa iyang double-bronze medal sa miaging World Championship sa miaging buwan, miingon nga kabahin lang ang SEA Games sa iyang preparasyon sa Olympics.
Mitug-an usab si Diaz nga human sa SEA Games, mangandam dayon siya sa laing Olympic qualifiers sa Enero didto sa Rome Italy.
Sa laing bahin, usa si Diaz sa mga gipiliang flag bearer sa nasud sa SEA Games parade uban nila ni Cebuana skater Margielyn Didal, pole vaulter EJ Obiena ug boxer Eumir Marcial.
- Latest
