Cebuanos misidlak sa kaulohan

CEBU, Philippines – Gipakita sa mga Sugboanong grapplers ang ilang abilidad sa   Philippine Friendship Novice Jiujitsu Championship didto sa   SM Mall of Asia activity center niadtong weekend.

Ang mga pambato sa Atos Philippines Cebu mihakot og tulo ka golds ug lima ka silvers.

Nangulo nila ang white-belter nga si Dan Chadwick Jugalbot nga misakmit og gold medal sa rooster weight division, samtang si Kristine Eve Bacarrisas midominar sa white-belt featherweight class.

Ang Cebu-based Borongan City fighter nga si Jamieboy Fabula mikabkab sab og bulawan sa blue belt featherweight division ug duha ka silvers  sa open weight class ug No Gi division.

Laing midaog silvers  mao sila si  Sebastian Paolo Villamor, Keith Justin Reyes ug Hannah May Gabiana.