Giannis salig sa Bucks

CEBU, Philippines – Masaligon si Milwaukee Bucks superstar  Giannis Antetokounmpo  nga makasud na sa finals sa sunod season sa NBA nga sugdan sa hinapos nga bahin ning bulana.

Ang Raptors misud sa Eastern Conference finals, apan wala makalahutay sa NBA Finals human mapilde ngadto sa Toronto Raptors.

Si Giannis mi-average og dul-an sa 30 puntos sa miaging NBA playoffs ug nakita nga usa gihapon siya sa mga labing dominanteng player  sa   2019-2020 season.

Sa pagbiya ni Kawhi Leonard sa Raptors, nakita ni Giannis  nga mas mihayag ilang tsansa nga maghari sa Eastern Conference, apan magpabilin ang kompetisyon tungod sa pagsulbong sa Philadelphia 76ers ug Brooklyn Nets nga nakakuha nila ni Kyrie Irving ug Kevin Durant. Dili pa hinuon makaduwa si Durant sa sunod season, apan si Giannis mangandam na daan sa pagtungtong sa NBA superstar sa ilang dibisyon.

Gawas nga wala kaayo mabungkag ang Bucks atol sa offseason, nakapalipay usab ni Antetokounmpo ang pagdugan ni veteran shooter Kyle Korver.

Ang Bucks bidahan usab nila ni Khris Middleton, Eric Bledsoe ug sa managsuong Brook ug Robin Lopez.