Gilas wala pa'y klaro moduwa sa Olympic qualifiers
CEBU, Philippines – Wala pa'y klaro kon imbitahon ba ang Gilas Pilipinas sa ipahigayong Olympic qualifiers nga sa Hunyo sunod tuig.
Kini tungod kay kaduha-duhaan nga ilakip sa FIBA ang Gilas human sa makauuwaw nilang performance sa World Cup nangiwit sila sa standing ning maong kompetisyon nga gisalmotan sa 32 ka mga nasud. Ang Gilas walay daog sa lima nila ka duwa sa World didto sa China.
Kawhaan ug upat ang koponan nga magsangka sa basketball event sa Olympics diin 20 niini mao ang top 16 sa FIBA rankings ug ang mga nidaog sa classification stage gikan sa upat ka Zones. Ang nahibiling upat pilian sa ipahigayong wildcard tournament diin tagsa ka koponan gikan sa Africa, America, Europe ug Asia Zone ang kuhaon.
Ang mga seguradong mapili gikan sa Asya mao ang China, South Korea ug Jordan nga mag-ilog sa katapusang luna.
Una nang miabante sa Olympics ang Iran nga maoy nakabaton og labing nindot nga rekord gikan sa Asia Zone atol sa World Cup.
- Latest