Pacquiao adunay kahigayonan mobuak sa record ni Hopkins

CEBU, Philippines – Nagtuo si boxing legend ug kanhi middleweight ug light heavyweight champion Bernard Hopkins nga mahimo ni Manny Pacquiao ang pagbuak sa iyang record nga labing edaran nga boksidor nga misaka sa ring.

Si Hopkins maoy nagkupot sa rekord sa labing tiguwang nga boksidor nga miaway human siya makigsangka ni Joe Smith Jr. niadtong tuig 2017 sa edad nga 51-anyos.  

Si Hopkins usab ang labing edaran nga nahimong world champion sa edad nga 48-anyos.

Si Hopkins miingon nga kondisyon gihapon kaayo si Pacquiao ug nakita niya nga daghan pang mga sangka ang mahimong salmotan niini tungod kay anaa gihapon kaniya ang kalagsik ug kaidlas.

Si Pacquiao nga gipaabot nga moaway pagbalik sunod tuig una na nga miingon nga wala pa siya'y plano nga moretiro sa boksing.

Nakapadugang sa dilli pag-undang sa WBA welterweight champion mao ang posibilidad nga maka-rematch niya ang karibal nga si Floyd Mayweather Jr. nga mipilde kaniya upat ka tuig na ang milabay pinaagi sa unanimous decision.