San Miguel import mipasalig og grandslam title
CEBU, Philippines — Mipasalig si Dez Wells nga tabangan niya ang San Miguel Beermen paglangkat sa grandslam title sa PBA Governors' Cup nga buksan sa hinapos bahin ning bulana didto sa Smart Araneta Coliseum.
Ang 6-foot-5 nga si Wells, ang Amerikanong import sa Beermen miapil na og ensayo uban sa Beermen nga moduwa una sa Macau tournament sa dili pa ang Governors' Cup nga maoy ikatulo ug katapusang conference sa PBA season.
Si Wells nagkanayon nga bug-at nga tahas ang pas-anon sa ikatulong kampiyonato sa Beermen sa season, apan sayod siya sa iyang abilidad ug wala siya mapresyur.
"I don’t put any pressure on myself to play this game. I play because I love it and it's fun.It’s about going out there and do what to do," matud pa sa NBA G-League veteran. "Grandslam starts at the beginning of the season but it starts with one step at a time."
Taas-taas na ang kasinatian ni Wells isip import tungod kay nakaduwa na siya didto sa Italy ug Greece.
- Latest
