US Team mihirit og kadaogan
CEBU, Philippines — Gitapos sa Team USA ang ilang kampaniya sa FIBA World Cup pinaagi sa usa ka daog batok sa Poland, 87-74, aron maseguru ang ikapitong dapit sa torneyo didto sa Beijing, China.
Bisan pa og nakahiagum sa labing bati nilang nga tapos sa World Cup, ang Team USA miseguro nga dili makatilaw sa ikatulo nilang sunod-sunod nga daog ug aron usab malikayan ang ikawalong dapit sa torneyo nga mupasamot kabati sa ilang dungog.
Si US Team coach Gregg Popovich mapasegarbohon sa iyang mga batos, apan miangkon nga dismayado siya sa mga kritiko sa iyang koponan ilabi na iyang mga kababayan nga pulos pagsaway ang gipauwan ngadto kanila.
"If you don't win, some people will play the blame game," matud pa ni Popovich sa Associated Press. "There's no blame to be placed anywhere. They play the shame game, like we should be ashamed because we didn't win a gold medal? That's a ridiculous attitude. It's immature. It's arrogant. And it shows that whoever thinks that doesn't respect all the other teams in the world and doesn't respect that these guys did the best they could."
Si Milwaukee Bucks shooter Khris Middleton nangulo sa US sa iyang 13 puntos, samtang si Derrick White ug Harrison Barnes adunay 12 ug 10 puntos matag usa.
Misaka sa 17 puntos ang labaw sa US sa wala pa mihimo og rally ang Poland sa katapusang kuwarter.
Si Popovich miingon nga seguradong lahi nga lineup na ang iyang dad-on didto sa Tokyo alang sa 2020 Olympics, apan dako niyang pasalamat sa iyang mga players nga miduwa karon sa World Cup.
"For me, this is an amazing experience," matud pa sa keyplayer sa Team USA ug Utah Jazz high-flyer nga si Donovan Mitchell.
- Latest
