Thirdy Ravena moapil sa PBA draft
CEBU, Philippines — Usa si Thirdy Ravena sa mga init nga rookie aspirant nga ilogan sa mga PBA teams atol unya sa tinuig nga Rookie Draft karong Disyembre 8 didto sa Robinson's Place Manila.
Si Thirdy, manghod ni Kiefer Ravena gikuha na kaniadto sa Gilas atol sa Asian Games. Karon hinog na siya ug angayan sab nga mahimong professional player tungod sa iyang maayong performance ug nahimo pa gani nga UAAP MVP.
Ang PBA mianunsiyo nga sa Nobiyembre 29 ang katapusang adlaw sa ilang pagpanawat og aplikante alang sa drafting.
Si Ravena anaa na sa katapusan niyang tuig uban sa Ateneo de Manila University (AdMU)Blue Eagles diin laraw niya nga madepensaan ang ilang titulo sa UAAP sa dili pa molayat sa professional basketball.
Si Thirdy manghod ni Kiefer Ravena, ang guwardiya sa NLEX Road Warriors.
Gawas ni Ravena, laing giatngan sa draft mao ang mga player sa ASEAN Basketball League nga sila si Fil-Americans Jason Brickman ug Joshuan Munzon, NCAA standout Alvin Pasaol ug Santi Santillan.
- Latest